إنتظروه ... فلسوف تباركه السماء قريبا

ليبدأ فاصل لا ينتهي من الحكى

إنتظروه ... إنتظروا صاحب القلنسوة

لما أسكن فى شقة واحدة مع خرتيت آدمى ، يرتدى اللباس الدمور 24 ساعة و بيجعر فى التليفون ... و تفصلنى خطوات عن دب السكينه فى كرشه و تخليص البشرية من غبائه المستحكم و أرجع أقول دة غلبان و كبيره قلم خدامين على عينه و أدخل أنام

لما كل يومين أقرى ان شويه عيال بيجمعوا التدوينات فى كتاب ... و كأن خلاص الدنيا بتمشى بظهرها و الواحد بيتأخر مش بيتقدم

لما نوارة مطلعة عين اللى جابونى علشان أكتب إنى ماقابلتش كونداليزا و انا فى أمريكا علشان ماحدش يفتكر العكس ... و انا أساسا مش عارف أكتب أقول إيه يعنى ... سافرت إلى أمريكا و لم أقابل كوندى ... تمت

لما أقعد مع برماوى كل قعدة أكتشف إن البنى آدم دة لسه عنده كتير قوى علشان يقدمه ، و ان مش أنا لوحدى اللى بعرف أعمل حاجات كتير فى الدنيا و إن لسه فى ناس نظرياتها مبهرة بالنسبالى

لما أكتشف فجاة إن لسه فى أحاسيس ماعشتهاش و حاجات ماعملتهاش ، بعد ما كنت ظبطت إنى مش عايز حاجة جديدة و إن كفاية لحد كدة أهى دى بالذات حاجة تخنق قوى

لما قرعة دورى الابطال توقع الزمالك و الأهلى فى مجموعة واحدة ... بس كدة

مشكلتى انى مش عايز أتجوز لنفس أسباب السواد الأعظم من الشباب ، ألا و هى الوصول السريع و الآمن للسرير و تأمين خدامة نهارية و ركوبة ليلية ،الموضوع بالنسبالى نقطة و من أول السطر و نعمل عيلة بقة إسم الجد الأكبر فيها يكون إسمى أنا

سجلها أحدهم على هاتفه لأكتشف بعد مدة انى قلتها وأنا فى حالة إنتشاء نباتى من النوع البنى طلب تنظير بالفصحى

قامت قوة من المباحث اليوم منذ حوالي ساعة .. بمهاجمة مقر دار ملامح للنشر لصاحبه محمد الشرقاوي المحبوس 15 يوم على زمة قضية اضراب 6 ابريل.. وصادروا كل نسخ الرواية المصورة مترو .. ومصادرة جميع العقود المتعلقة بالرواية مدعين ان هناك بلاغ ضد الدار و الرواية لأنها منافية للاداب العامة وطلبوا كلا من

محمد الشرقاوي - صاحب ومدير الدار نيرة الشيخ - المسؤول الاعلامي للدار

أحمد سمير - مسئول الحسابات بالدار

مجدي الشافعي - مؤلف الرواية

للمثول امام مباحث الاداب اليوم

هذا واجبروا أحمد سمير على توقيع اقرار بان ياتي اليهم بجميع النسخ المتاحة من رواية مترو

واخذوا نسخة من كل اصدارات الدار

By English From Sandmonkey's Blog !

Sharqawy’s publishing house ransaked by Vice police

It happened an hour ago and the details are still hazy. The Public Morality Police (we actually have one) has just stormed Sharqawy's publishing house, and confiscating all of the available copies of the egyptian graphic novel "Metro" . The police are demanding the presence of Shrqawy and Metro's author Magdy el Shafey and are banning Metro from all Bookstores. If anyone could explain to me why they are having such blood vendetta against Sharqawy, please e-mail me. This is making no sense!